Irani njofton se që nga fillimi i konfliktit më 13 qershor, të paktën 430 persona kanë humbur jetën, ndërsa rreth 3,500 të tjerë janë plagosur, sipas Ministrisë së Shëndetësisë, raporton agjencia Nour.

Ky është përditësimi i parë zyrtar mbi numrin e viktimave në Iran pas disa ditësh heshtjeje. Më parë, ministria kishte raportuar për 224 të vrarë, ndërsa një organizatë për të drejtat e njeriut kishte dhënë një shifër jozyrtare prej 657 viktimash.

Ndërkohë, Izraeli u përball të premten me një valë të re sulmesh iraniane, ku ushtria izraelite raportoi goditje me 20 raketa drejt qytetit të Haifasë.

Një grua izraelite humbi jetën si pasojë e një ataku në zemër, duke çuar në 25 numrin e të vdekurve në Izrael që nga fillimi i konfliktit.

Forcat Mbrojtëse të Izraelit deklaruan se kanë goditur vende magazinimi dhe lansimi të raketave balistike në perëndim të Iranit.

Gjatë javës së kaluar, sulmet ajrore izraelite kanë shkatërruar objekte dhe armë ushtarake iraniane, si dhe kanë vrarë komandantë të lartë ushtarakë dhe shkencëtarë bërthamorë.